Maria 32GO2 3212

Praktiketatik bueltatu garenetik gauza ugari egin ditugu IKTko ikasgaian, baina denak azken produktu bat lortzeko prozesu baten parte izan dira, LH5eko ingeleseko irakasgairako 5 saio baten prestaketa, hain zuzen. Hau, noski, IKTen praktika onak burutuz egin behar izan dugu, jada badakigun bezala gure gizartean leku handi bat dutelako. Burutu dugun lehen pausua 5 saio hauen programazioa izan da, eta horretarako hemen beheko taula hau bete dugu. II. ERANSKINA UNITATE DIDAKTIKOA ARAZO-EGOERA BATETIK ABIATUTA PROGRAMATZEKO TXANTILOIA Irakasgaia : Ingelesa Gaia : Familia Maila : 5.maila Saioak : 5 saio Proposamenaren justifikazioa : Eguneroko gai bat denez, garrantzitsua iruditzen zaigu honen inguruan lan egitea, hiztegia, gramatika, ulermena eta adierazpena landuz. Arazo-egoera : - Testuingurua : Gure klasea 25 ikaslez osatuta dago, horietako 16 neskak eta 9           mutilak. 2 err...

Klasean praktika onei buruzko bi testu irakurri ondoren ( https://egela1819.ehu.eus/pluginfile.php/1223335/mod_resource/content/1/Area_bp_2007.pdf eta https://egela1819.ehu.eus/pluginfile.php/1223336/mod_resource/content/1/Valverde_2010.pdf ), irakasle izango garen heinean, IKTak ikasgelatan modu on batean integratzeko behar handia dagoela ikusi dugu. Beraz, IKTak erabiliz irakaslearen praktika on batek kontuan hartu beharko lituzteen printzipioak dekalogo baten bidez aurkeztea eskatu zaigu.  Nire taldearen kasuan ingelesa eta LH5 egokitu zaizkigu gure dekalogoa osatzeko. Hona hemen gure proposamena: 1. Haurrei on-line hiztegiak erabiltzera bultzatu, autonomiaz jokatzen eta iniziatiba izaten ikas dezaten. 2. Informazioa bilatzeko garaian ingelesez dauden webguneak erabili ulermena garatu ahal izateko. 3. Microsoft publisherren bidez ipuin bat ortu ingelesez pentsatzera ohitzeko. 4. Pelikulak ikusi, haurrei ingelesezko edukienganako interesa pizteko asmoz. ...

SAMR eredua IKTak eskolako jardueren diseinuan hobeto integratzeko jarraitu beharreko prozesu bat da. Ruben D. Puentedura doktoreak sortu zuen, batez ere, irakaskuntzaren kalitatea hobetzeko asmoz, eta ekitatea bermatzen duen promozio sozialeko sistema bat ziurtatzeko. S letrak sustitución esan nahi du, euskaraz ordezkapena, eta teknologien integrazioko lehen pausua da. Aumento edo handipena dugu bigarren pausu bezala, ondoren modificación /modifikazioa hirugarren eta azkenik redefinición edo berdefinizioa. Ordezkapenak kasu honetan, betiko objektuek, hau da, paperak eta boligrafoak egiten duten funtzioa ordenagailu batekin ordezkatzea esan nahi du adibidez. Handipenak, aldiz, paperak eta boligrafoak egin dezaketanaz gain, IKTeek beste zerbait gehitzea esan nahi du, zuzentzaileak besteak beste. Bi pausu hauek hobekuntza izeneko azpitalde bat osatzen dute SAMR ereduan. Honekin jarraitzeko, modifikazioak teknologia aldatzerakoan gelako eginkizunak aldatu egiten direla es...

Behin internetek dituen arriskuak ezagutzen ditugula, ikasle baten kasu erreal bat aurkeztu zaigu, non guk irakaslearen papera hartu behar izan dugun, eta egoeraren azalpena egiteaz gain, helburuak, esku-hartzea eta egingo genukeen ebaluazio nahiz kasuaren jarraipena zehaztu ditugun. Hona hemen egoera eta guk egindako proposamena: Amaiak (LH6) kontatu digu Facebook bidez lagun berria egin duela eta berarekin geratu dela arratsalde honetan. Lagunak 12 urte dituela esaten du, baina gure susmoa heldua dela da. Aurkeztu zaigun egoerak grooming kasu bat dirudi, non pertsona heldu batek adin txikiko pertsona bati jazarpena egiten dion, askotan adingabea dela esanez. Normalean, helburua benetako adingabeak sortutako eduki sexuala lortzea da edota kasu batzuetan baita kontaktu fisikoa izatea ere, egoera honetan ikus dezakegun bezala. Hau lortzeko, segur aski, aurretik kontrol emozionala lortu du, Amaiarekin konfiantzazko adiskidetasun erlazio bat sortuz. Lagun berri hori Facebook bidez ...

Aurreko sarreran aipatu dudan moduan, gure konpetentzia digitalean aurkitu dugun ahulezia nagusia segurtasuna da, inongo zalantzarik gabe, eta horrek zer pentsatu ematen digu. Sareak onura asko ekartzen dituen arren, arrisku asko ere badituela askotan ahaztu egiten zaigu, hona hemen ohikoenak: 1. Sexting: Eduki sexualaren bidalketa berehalako mezuen bitartez, normalean WhatsApp. Gazteen arteran gero eta gehiago egiten den borondatzeko praktika da, zeinak promulgatzaileak diren, eta honez gain informazioak beste bitartekari batzuen eskuetan bukatu dezakeelako arriskua dute. 2. Cyberbullying: Pertsona batek edo talde batek modu jarraitu batean teknologiaren bidez informazioa eta komunikazioa erabiltzen duenean beste banako bat mehatxatzeko eta jazartzeko. 3. Hacking: Protekzio programak desenkriptatuz, sistema informatiko batera sartzea datu baserako sarbidea lortzeko, eta hortik, datu edota fitxategiak eskuratzea eta manipulatzea. Hau, normalean, troyanoen bidez egiten da. ...

Aurreko klaseetan eta sarreretan landutako gaiari jarraipena emateko, eta ikasitako teoria praktikan jartzeko, bakoitzaren PLEa egiteko eskatu digute gelan.  PLEak (Personal Learning Environment) pertsona bakoitzak egunerokotasunean ikasteko helburuarekin erabiltzen dituen informazio iturri, erreminta, konexio eta aktibitateen multzoa esan nahi du, eta hemen beheko argazkian nik sortu dudana ikus daiteke. Erabiltzen ditudan baliabideen artean 5 bloke bereizi ditut, informazioa bilatzeko  erabiltzen ditudanak urdinez, komunikazio arlokoak gorriz, edukiak sortzen laguntzen didatenak morez, arazoak konpontzeko erabiltzen ditudanak laranjaz eta segurtasunaren bermea ematen didatenak berdez.  Jarduera hau burutu ondoren klasekide ia guztiok ikusi duguna berdina izan da, segurtasunaren alorrean gabezia handiak ditugula, eta denok ados gaude horrek arazo bat suposatzen duela gure IKTeen erabileran. Beste arloei dagokienean, komunikazioan besteak beste, sare sozialen ...

Aurreko sarreran aipatutako aurkezpenari berriz ere erreferentzia eginez, eta gure gainerako klasekideenak ikusi ondoren, hausnarketa bat egitera bultzatu digutela esatera ausartuko nintzateke. Alde batetik konpetentzia digitalak benetan esan nahi duenari buruz, eta bestetik, konpetentzia digital honen eta PLEaren arteko erlazioa eta honen garrantziari buruz ere pentsarazi digu. Konpetentzia digitala hitz gutxitan, IKTak edo teknologia berriak erabiltzen jakitea da. Honek zer esan nahi du? Teknologiaren arloan informazioa bilatzen, komunikatzen, eduki berria sortzen, bakoitzaren segurtasuna bermatzen eta izan ditzakegun arazoak konpontzen jakitea hain zuzen ere. Gaur egun IKTeek inguratzen gaituzte, nonahi aurkuti baititzakegu, eta XXI. mendeko hiritar izateko beharrezkoa bilakatu baita hauen gutxieneko erabilpen bat egiten jakitea. Hori dela eta, alfabetatze prozesu bati buruz hitz egiten da, alfabetatze digital bati buruz zehazki. Hau da, lehen idazten eta irakurtzen jakitea...

Duela egun batzuk  De lo sólido a lo líquido: Las nuevas alfabetizaciones ante los cambios culturales de la Web 2.0 testua irakurri behar izan genuen, eta honen ulermen osatuago bat lortzeko gure taldekideekin garrantzitsuen iruditu zitzaizkigun ideien partekatzea egin genuen. Gainera, Genially izeneko baliabide berri bat erabiltzen ikasteaz gain, honen bidez irakurritakoari buruzko aurkezpen bat egin genuen, gainerako taldekideei irakurritakoa azaltzeko asmoz. Hona hemen gure aurkezpenera eramango zaituzten esteka: https://view.genial.ly/5bac7d665b64ad591a07777d/ikt Eta azkenik, informazio gehiago eskuratu nahi izango bazenute, hurrengo estekan testu osoa aurkitu dezakezue: https://www.revistacomunicar.com/pdf/preprint/38/01-PRE-12378.pdf

Konpetentzia hitza gero eta gehiago entzuten ari garen hitza da, ezagutza bat erabiltzen jakitea esan nahi duena; kasu honetan, IKTeei buruz ari garen heinean, teknologia berri hauek erabiltzen benetan ba al dakigun ikusteko aukera izan dugu. Horretarako, Ikanos izeneko test bat bete dugu, gure gaitasun digitala neurtzeko asmoz ( http://test.ikanos.eus/index.php/566697?lang=eu ), eta nire kasuan, tarteko profila dudala izan da erantzuna, nahiko baxua egia esan, beraz aurten ikasteko asko dudala esango nuke.

Gaur, lauhilabete honetarako esleitu zaizkigun taldeen berri izan dugu, eta funtzionamendu egoki bat izan dezagun, arau sorta bat sortzea erabaki dugu. Taldekide guztion artean hitz egin ondoren, 11 oinarrizko arau otu zaizkigu, jarraian ikus ditzakezuenak hain zuzen:  1- Taldekide guztien ideiak errespetatu eta kontuan hartuko dira 2- Bakoitza arduratu behar da egin behar duen lanaz 3- Klasera edo lanen bat egitera ezin badugu etorri, aurrez abisatuko diegu gure taldekideei 4- Guztiok parte hartuko dugu eta lana ondo ateratzeko esfortzua egingo dugu 5- Elkarri lagunduko diogu 6- Lanen bat egiteko geratu behar badugu, pisuzko arrazoi bat izan behar dugu ez azaltzeko 7- Lana eguneratuta eramaten saiatuko gara 8- Elkarrekin dugun denbora (klaseetan edo klasez kanpo) aprobetxatuko dugu 9- WhatsApp-eko taldean ez ignoratu 10- Ikasgaiarekin zerikusia duten berriei buruz abisatu 11- Aurreko arauak ez badira errespetatzen:       ...

Ongi etorri nire blogera, ni Maria naiz, ez oso idazle abila egia esan, baina gauza asko esateko dituena hala ere. Donostiako EHUn magisteritza ikasten ari naiz, Lehen Hezkuntzako gradua hain zuzen ere, beti eduki izan baitut ikasketei eta hezkuntzaren munduari buruzko interesa. Blog honetan Lehen Hezkuntza eta IKTeen arteko erlazioari buruz hitz egingo dut gehien bat, eta taldeko nahiz bakarka egindako lanak aurkituko dituzue bertan. Pixkanaka-pixkanaka ikasten joango naizela espero dut, bai webgune hau erabiltzen eta baita teknologia berriei buruz ere. Gauzak hala, blog hau nire IKT ikasgaian izango dudan ibilbidearen egunerokoa bilakatuko da.