Praktika onak - 2. emangarria

Praktiketatik bueltatu garenetik gauza ugari egin ditugu IKTko ikasgaian, baina denak azken produktu bat lortzeko prozesu baten parte izan dira, LH5eko ingeleseko irakasgairako 5 saio baten prestaketa, hain zuzen. Hau, noski, IKTen praktika onak burutuz egin behar izan dugu, jada badakigun bezala gure gizartean leku handi bat dutelako.

Burutu dugun lehen pausua 5 saio hauen programazioa izan da, eta horretarako hemen beheko taula hau bete dugu.

II. ERANSKINA

UNITATE DIDAKTIKOA ARAZO-EGOERA BATETIK ABIATUTA PROGRAMATZEKO TXANTILOIA

Irakasgaia: Ingelesa

Gaia: Familia

Maila: 5.maila

Saioak: 5 saio

Proposamenaren justifikazioa: Eguneroko gai bat denez, garrantzitsua iruditzen zaigu honen inguruan lan egitea, hiztegia, gramatika, ulermena eta adierazpena landuz.

Arazo-egoera: - Testuingurua: Gure klasea 25 ikaslez osatuta dago, horietako 16 neskak eta 9          mutilak. 2 errepikatzaile ditugu eta beste 5 ikasle laguntza gelara joaten dira astean            bitan. Honez gain, aurten 6 etorkin ditugu, bakoitza herrialde desberdin batetik         etorria: Ingalaterratik, Chiletik, Pakistanetik, Austriatik, Bulgariatik eta Kenyatik.             Orokorrean oso ondo moldatzen dira elkarrekin eta errespetuzko giro bat dago                 klasean.       - Arazoa: Ze kide aurki daitezke familia batean?       - Helburua: Klasean aurkitzen diren ikasleak eta haien familiak ezagutzea.

Zeregina: Ulermen, gramatika eta hiztegiak lantzeko abestiak erabiliko ditugu. Horretarako lyricstrainning web orria erabiliko dugu (https://lyricstraining.com) Non abesti bat entzuten den eta zuk esaten duena idazten joan behar duzun. Familiaren inguruko hiztegia jorratzeko teoriaz gain joku interaktibo bat proposatuko diegu (https://albalearning.com/ejercicios/familia-sp-en_match.htm) Gramatika ikasteko teoria (https://www.ef.com/english-resources/english-grammar/simple-present-tense/)  eta  orainaldia  praktikan  jartzeko  hainbat   ariketa  erabiliko ditugu. (https://sites.google.com/site/easygrammar4kids/to-be-present/simple-present https://www.educaplay.com/en/learningresources/4161115/grammar.htm) Adierazpena lantzeko beraien familiei buruz hitz egiteko eskatuko diegu, horri buruzko aurkezpen bat prestatuz eta klaseari azalduz. Horretarako https://www.genial.ly/ erabiltzea eskatuko zaie.

Oinarrizko gaitasunak:       Zeharkakoak: Hitzezko eta hitzik gabeko komunikazioa eta komunikazio-digitala modu osagarrian erabiltzea, ganoraz eta egoki komunikatu ahal izateko egoera pertsonal, sozial eta akademikoetan. Ikasteko eta lan egiteko ohiturak, ikasteko estrategiak eta pentsamendu zorrotza izatea eta ikasitakoa mobilizatzea eta beste testuinguru eta egoera batzuetara eramatea, berberaren ikaskuntza modu autonomoan antolatzeko. Pertsonen arteko, taldeko eta komunitateko egoeretan elkarrekikotasunez parte hartzea. Ekimena izatea eta ekite-prozesua erabakitasunez eta eranginkortasunez kudeatzea testuinguru eta egoera pertsonal, sozial, akademiko eta lanekoetan, ideiak ekintzak bihurtzeko. Bizitzan zehar agertzen diren sentimendu, pentsamendu eta ekintza pertsonalez gogoeta egitea eta haiek sendotzea edo egokitzea haien gaineko balorazioen arabera, bere burua etengabe hobetuz pertsona osorik errealizatzeko.      Diziplinari dagozkionak: Hitzezko eta idatzizko testuak egokiro erabiltzea —atzerriko hizkuntza batean—, bizitzako hainbat alorretako egoeratan, eraginkortasunez eta hizkuntza-aniztasuna errespetatuz. Literatura-hezkuntza garatzea, nork bere burua eta inguruko mundua hobeto ezagutzeko.

Helburu didaktikoak: Testu ezberdinak entzutea (familiaren inguruan) landutako hiztegia identifikatuz, ahoskera eta intonazioa lantzeko eta elkar komunikazioa errazteko. Testu desberdinak irakurtzea, ulermen ariketak eginaz, komunikazio eremua aberasteko. Esaldi sinpleak egoki erabiltzea, landutako hiztegia oinarritzat hartuz, hizkuntza koherentziaz eta zuzentasunez erabiltzeko. Gramatikako hainbat kontzeptu ezagutzea eta egoki erabiltzea. Aurkezpenaren bidez hizkuntzaren oinarrizko arauak errespetatu ahozko komunikazio esanguratsu eta ulergarriak egiteko. Familia ezberdinen ereduak ezagutzea eta partekatzea.

Edukiak: Familiari buruzko hiztegia eta haien arteko erlazioak. Present simple. Ahoskera egokia.

Jardueren sekuentzia: Lehenengo saioa o   Lehen fasea: Abestiak aukeratu landu nahi dugun hiztegia eta gramatika kontuan hartuta. o   Garapen-fasea: https://es.lyricstraining.com/ web orrian sartu eta landuko ditugun abestiak bilatu (Family song eta We are family). o   Aplikazio- eta komunikazio-fasea: Abestiak entzuten diren bitartean ikasleak entzuten dutena idazten joango dira. o   Orokortzea eta transferentzia: Jada webguneak nola funtzionatzen duen jakinda, ikasleek gustuko dituzten kantak aukeratuko dituzte. Bigarren saioa o   Lehen fasea: familiaren inguruko hiztegiko hitzak erabakiko ditugu landu ahal izateko eta horien inguruko joko interaktiboak bilatuko ditugu. o   Garapen fasea: https://albalearning.com/ejercicios/familia-sp-en_match.htm web orrian sartu eta jokoak martxan jarriko ditugu. o   Aplikazio- eta komunikazio-fasea: ariketak irakurtzen hasiko dira taldeka, behin irakurrita ahoz erantzuten hasiko dira. o   Orokortzea eta transferentzia: behin ariketa horiek bukatuta https://kahoot.it/ webgunean ikasi dutena probatuko dute. Hirugarren saioa o   Lehen fasea: Present simple-aren teoria azalduko zaie haurrei, horretarako hsttps://www.ef.com/english-resources/english-grammar/simple-present-tense/ webgunea erabiliko dugu. o   Garapen-fasea: Behin teoria azalduta, hainbat ariketa erakutsiko zaizkie haurrei eta taldeka ipiniko dira. o   Aplikazio- eta komunikazio-fasea: Behin taldeka, educaplay-en sortutako jolas bat egingo dute teoria praktikan jarri ahal izateko (https://www.educaplay.com/en/learningresources/4161115/grammar.htm) Ariketa hori bukatzerakoan, beste batzuk eskainiko zaizkie (https://sites.google.com/site/easygrammar4kids/to-be-present/simple-present) horrela edukia hobeto barneratu ahal izango dutelako. o   Orokortzea eta transferentzia: Behin bukatuta, guztien artean zuzenduko da eta zalantzak argituko dira.       Laugarren eta bosgarren saioak o   Lehen fasea: haurrei haiei eta beraien familiei buruzko aurkezpen bat egin beharko dutela azalduko zaie, bertan aipatu ditzaketen puntuak emanez. o   Garapen-fasea: ikasle bakoitza bere aurkezpenean gehitu nahi duen informazioa jasotzen hasiko da. o   Aplikazio- eta komunikazio-fasea: informazio guztia bilduta dutenean, aurkezpenari forma ematen hasiko dira. o   Orokortzea eta transferentzia: aurkezpena guztiz prestatua dutenean, haien kideek aurrean egin beharko dute. Horretarako https://www.genial.ly/ webgunea gomendatuko diegu.

Ebaluazioa:  Adierazleak: Klasean ikasitako hiztegia ondo kontrolatu eta ahozko nahiz idatzizko adierazpenean integratu. Aditzak koherentziaz erabili. Ingelesezko hitzak ondo ahoskatzeko esfortzua egin. Testu edo baliabide audiobisualak ulertzeko interesa erakutsi. Taldekideekin ondo jokatzen jakin eta egin beharreko lana bete. Autonomiaz jokatu. Komunikazioa osoa izateko, eta ez kanal huts bat, ondo pentsatzen, elkarrekin bizitzen, izaten eta egiten jakin, bizitzako esparru eta egoera konkretuetan. Hitzezko lengoaiaren adierazpide guztiak, ikus-entzunezko lengoaiak eta hitzik gabekoak kontrolatu.   Norberaren sentimenduak modu asertiboan adieraztea eta besteen sentimenduak, pentsamenduak adi entzutea eta kontuan hartzea.       Tresnak: Kahoot Ahozko aurkezpena Errubrika Eguneroko behaketa

Behin gure ideiak argi eta dena modu egoki batean antolatuta izanda, aurreko gidan azaldutako guztia aurkezpen batean irudikatu dugu, gure plangintzaren nondik norakoak bertan agertzen direlarik. Hau egiteko https://www.genial.ly/ webgunea erabili dugu, hona hemen gure aurkezpenerako esteka eta aurkezpena bera:

Esteka: https://view.genial.ly/5bfc2bb80192d336409ed12c/praktika-ona-lh5-ingelesa

Aurkezpen osoa:

Hau egin ondoren, gure plangintza benetan martxan jartzeko, web orri bat sortu dugu Wixen bitartez, non jada aurrez aipatutako informazio guztia modu antolatu eta eskuragarri batean aurki daitekeen. Hona hemen guk LH5eko ikasleen ingeleseko klaseetarako prestatutako webgunea:

https://3212ikt.wixsite.com/misitio

Prozesu honekin bukatzeko, gure ikaskideen feedbacka jaso dugu egindako lanaren eta ahozko aurkezpenaren inguruan. Hori kontuan hartuta galdera bati erantzuna emateko eskatu zaigu:

Zer ikasi dut nik egin dudan aurkezpenetik eta jaso dudan feedback-etik?

Egia esan, gauza ugari ikasi ditut praktika hau egiten, baina batez ere, saio batzuk planifikatzeak dakarren lan karga nolakoa den ikusteko aukera izan dugu. Honez gain, baliabide berriak erabiltzen ikasi dut, nire etorkizuneko lanerako baliagarriak izango direnak, educaplay eta wix esate baterako, eta IKTekin praktika onak egiteak duen garrantzia ere ondo ulertu dugula esango nuke.

Taldean lan hau burutzea ere oso aberasgarria izan da niretzat, izan ere nik bakarrik eduki ditzadan ideiak agian ez dira nahikoa halako plangintza bat lehenengo aldiz burutzeko. Asko ikasi dut nire taldearekin lan eginez, eta lan banaketa nahiz kontsentsuak duen garrantziaz konturatzea guretzat giltzarria izan dela esango nuke.

Klasekideengandik jasotako feedbackari dagokienez, gehien gustatu den atala guk sortutako webgunea izan dela dirudi. Honekin lan ona egin dugula esan digute kideek, oso argia eta erakargarria zela besteak beste.

Hobetzeko ditugun ataletan, aldiz, edukiarekin baino, ahozkotasunarekin erlazioa zuten kritikak jaso ditugu. Alde batetik, nahiko baxu eta azkar hitz egin dugula esan digute, eta baita lanaren azalpena banatzerakoan, esan beharreko zatien neurria oso ezberdina zela. Ados gaude guzti horrekin, izan ere, lehentasun handia eman genion gure Genial.ly eta Wixa ondo egoteari, eta agian ahozko aurkezpenean arreta gehiago jarri beharko genukeen.

Hori izan da orokorrean jaso duguna, baina esan beharra dago oso iritzi ezberdinak egon direla ere, adibidez gure baliabideetan gehitu dugun informazio kantitatearekin, edota aurkezpenaren argitasunarekin zerikusia zutenak.

Guzti hau kontuan hartuta, hurrengorako asko ikasi dugula esango nuke, eta kideen aldetik feedback guzti hau jasotzea oso positiboa dela uste dut.